Lea-Artibai eta Mutriku

Pantxo Bedialauneta eta Al-Anon eta Alkoholiko Anonimo elkarteetako kideek jaso dute Ondarruko Arrañe Saria. Kantoipe errebuelta izan zen horren lekukoa atzo. "Hunkituta" agertu ziren aitortza jaso ostean omenduak. Jai eguna igarria bazen ere, tarteka, euri zaparradek desitxuratu egin zuten eguna. Euria euri, baina, atunezko pintxoak jan eta sagardoa edateko aukerarik ez zuten galdu ondarrutarrek eta kanpotik etorritako bisitariek. Eta kasualitateak kasualitate, paella lehiaketaren irabazleak ere lepokoek lako kolorea zeukan atzokoan: beltza, txipiroien tintari esker. Aitor Mendiluze, Iratxe Ibarra, Sebastian Lizaso eta Amets Arzallus bertsolariek hartu zuten erabakia, aurkeztutako paellak dastatu eta gero.