Lea-Artibai eta Mutriku

Ekimenez beteta dakar astea Kafe Antzokiak. Atzoko moda eta artea denontzat desfileari antzezlanek segituko die gaurtik hasita.
Musika-eta guzti ailegatuko da gaurko antzerkia.

Udaleko Musika Eskolak XX. mendearen hasieran girotutako beharra dakar: Resurreccion Maria de Azkueren Aitaren beldur, moldatuta.
Ikastetxeetatik agertokira
Ondarroako Institutuko Guraso Elkartearen eskutik eta Marisa Martinezen zuzendaritzapean, behar bi ipiniko dituzte institutuko ikasleek taula gainean bihar: Aurkezpen egon gela Beti Atzan Taldeak eta Azkenean iritsi da ezkontza eguna Kaslimotxuk Taldeak.
Zaldupe Eskolako ikasleak ariko dira barikuan antzerkigintzan: Lurrikarak Taldea igoko da 19:30-ean agertokira. Futbola San Apapucio herrira iritsi da beharrak futbola izango du protagonista. Geroago, Onenak Taldearen txanda izango da, Kastina beharragaz.
La Pegatinak rumba gaztea dakar Kataluniatik
Zapatu gaua Herrialde Katalanetan «punta-puntan» dabilen taldeak girotuko du. Hango talde garrantzitsuenekin dozenaka kontzertu eman eta gero, Ondarroan izango dira. Taula gainean Al Carrier iaz argitaratutako iraupen luzeko lehen beharra aurkeztuko dute. Diskoko baxua Radio Bembako Gambeatek sartuta eta Manu Chao ere tartean dela, disko alaia dakarte besopean. Grabazioak grabazio, aitortu dutenez, «zuzenekoa dute alderik indartsuena».
Alboan, Irungo Bad Sound System edukiko dute katalanek. Eduki sozial handiko letrekin, reggae, hip-hop eta dub doinuak dakarte, besteak beste, irundarrek «dantza egiteko» saioan.