Astelehenean hasiko da martxan Zubi Zahar herri ikastolan, VII. Kirol Astea, Kirolean hasi, hezi eta ikasi lelopean. Lehenengo hitzordurako punta-puntako txirrindulariak bildu dituzte mahai inguruan: Marino Lejarreta, Ruben Gorospe, Unai Etxebarria eta Alberto Leanizbarrutia. Mintzagaia Euskal txirrindulariak mundu osora zabaltzen izango dute. Mahai ingurua herritar guztiei zabalik egongo da, eta 15:00etan hasiko da, ikastolan bertan. [...]

197/2006 dotrina indargabetu lelopean, Isidro Garalde Bedialauneta Mamarru preso politikoaren berehalako askatasuna eskatzeko manifestazioa deitu du domekarako Ein Daigun Bidi! bilguneak. Manifestazioa 13:00etan hasiko da Alamedan. Martxoan hasitako 8+18+10=36 Nahikure! Mamarru etxea! sentsibilizazio kanpaina eta sinadura bilketa egun berean amaituko dira: Alamedan eta Kalekutzean batuko dira sinadurak. Biharamunean, maiatzak 7,  batutako sinadurak Arartekora, Konstituzionalera eta [...]

Datorren maiatzaren 22an egingo da ziklomotorren azterketa teknikoa Ondarroan, ohikoa den legez, frontoian. Azterketa herrian bertan pasatzeko hori aukera hori aprobetxatu nahi dutenek Udaltzaingoan emon beharko dutela izena jakin eragin du udalak.

Joan den zazpi egunean, 734.000 kilo antxoa sartu dira Ondarroako Kalare Deuna Kofradian. Kiloak nahikoa prezio makala egin du, bataz bestekoa kontuan hartuta: 2,95 euro. Aurreko egunetan legez,  nahikoa tamaina handikoak  izan dira antxoa garauak: 26 garautik 31 garau bitartean sartu dira kiloan, arrain kontserba fabrikei saltzeko aproposak. Atzo, 14:00ak orduko –argazkian, antxoa pisatzen 11:45 [...]

Herriko Alkoholiko Anonimoak taldearen 42. urteurrenaren barruan, alkoholismoaren gaineko berbaldia egingo da, zapatuan, 18:00etan hasita, Kofradia Zaharrean. Cristina Saez de Arregi psikiatra eta Alkoholiko Anonimoak eta Al-Anon taldeetako kideak izango dira hizlariak. Hilabete honetan, ikastetxeetan be egingo dituzte solasaldiak.

10:00etatik 12:00etara irekiko ditu ateak, estreinako, zapatuan, Irakurle Klubak, udal liburutegian. Irakurleen erreferentzia izatea helburu, Literatur Klubak hilean behin, programazio iraunkorra edukiko du. Zapatuko hitzordua Arrate Egañarekin izango da. «Hortik aurrera, jarraipena edukiko du hilean-hilean, beti irekita parte hartzaileen interesak kontuan hartuta», esan dute udal ordezkariek. Informazio gehiago nahi nahi dutenek udal liburutegira (94-683 3343) [...]

Bideo emonaldiak hogei bat lagun alkartu zituen zapatu arratsaldean, Portuko Ranpan. Familiarteko giroan, eta aktoreak bertan zeudela ikusi zuten Iñigo Atxa bermeotarraren filmea, Eveliez. Emonaldiaren ostean, txitxarro janean, «gustura» egon ziren guztiak. Kultur eskaintza «barriaren» erantzuna ikusita, hilean behin-edo halako zerbait eskaintzeko asmoa erakutsi dute Portuko Ranpakoek, «beti be jendeak egiten dien eskakizunak» kontuan hartuta

Zer egin dezakegu euskal langileok bizi dugun egoerari buelta emoteko? hitzaldia emongo du LAB sindikatuak eguenean, Lekeition eta Ondarroan. 19:00etan hasiko dira hitzaldiak, Eusebio Erkiaga kultur etxean eta Kofradia Zaharrean, hurrenez hurren. Krisi ekonomikoaren aurrean langileen borrokaren garrantzia azpimarratu du sindikatu abertzaleak: «Eraiki dezagun langileon Euskal Herria».

Puerto I kartzelaraino eroan zuten zapatu goizean Isidro Garalde Mamarru preso politiko ondarrutarraren askatasun eskaria. 30 lagunek egin zuten bat Ein Daigun Bidi ekimenak egindako deiagaz. Barikuan 21:00etan atera ziren Itsasaurretik, eta hamabi orduan ailegatu ziren espetxe aurrera, «oztopo barik». Bolanderekin hasi ziren elkartasun ekimenak, 10:00etan. Ikurrinek eta txalaparta zein txistuen doinuek hartu zituzten kartzelaren [...]